विराटनगर । भ्रमण वर्ष २०२० को उद्धघाटन तयारीलाई प्रदेश सरकारले तिव्रता दिएको छ । जनवरी १ अर्थात पुस १६ गते विराटनगर स्थीत शहिद रंगशालामा भव्य कार्यक्रम विच भ्रमण बर्षको उद्घाटन गर्ने निर्णय प्रदेश सरकारले गरेको थियो । उद्योग, पर्यटन, वन तथा वातावरण मन्त्रालयमा शनिवार बसेकोे प्रदेश १ स्तरीय पर्यटन प्रवद्र्धन समितिमा मन्त्री जगदीश प्रसाद कुसियैतले उद्घाटनका लागि बाँकी काम तिव्ररुपमा अघि वढाउन समितिहरुलाई आग्रह गर्नु भएको छ ।
भ्रमण बर्षको उद्घाटन समारोहमा छिमेकी देशवाट समेत पाहुना बोलाउने तयारी गरीएको छ भने जातिय पहिचाहन झल्कने झाँकी प्रदर्शन गरीनुका साथै प्रदेश १ का सबै जिल्लामा उत्पादन हुने स्थानीय उत्पादन र परिकारको स्टल समेत राखिने मुल समारोह व्यवस्थापन उप समितिका संयोजक फणिन्द्र अधिकारीले जानकारी दिनु भयो । कार्यक्रमको उद्धघाटन एयर बेलुनबाट भिजिट नेपाल २०२० को झण्डा फहराएर साथै हेलिकोप्टरबाट पुष्पबृष्टि गरेर गरिने तयारी भएको छ ।
उद्धघाटन पूर्व साइकल÷मोटरसाइकल ¥याली, विभिन्न नाका र एयरपोर्टबाट आउने पर्यटकलाई स्वागत गर्ने समेत तयारी गरीएको छ । प्रदेश १ लाई समेटेर गायक सुमीत खड्काले तयार पारेको पर्यटन गीत बजाइने भएको छ । बैठकमा उप–समिति संयोजकहरुले आ–आफ्ना समितिले गरेका र अब बाँकी रहेका कामका बिषयमा जनाकारी दिएका थिए । भ्रमण वर्ष सफल बनाउन प्रदेश १ मा सबै जिल्लालाई समेटेर विभिन्न विषयगत १२ वटा उपसमिति बनाइएको छ ।
