तस्बिर : कृष्णमणि बराल
यतिबेला समान्य अवस्थामा अन्नपूर्ण पदयात्रा क्षेत्रमा पदयात्रा गर्ने पर्यटकको घुइचो लाग्ने गथ्र्यो । पर्यटकीय सिजनमा यसरी शून्य पर्यटक भएको पदयात्रा पर्यटन सुरु भएपछि पहिलो पटक भएको पदयात्रा क्षेत्रका पर्यटन व्यवसायी बताउँछन् । विश्वभर फैलिएको कोरोना भाइरसको कारण पदयात्रा क्षेत्र मात्र होइन सबै पर्यटकीय गतिविधि ठप्प छन् । पोखराबाट बुधबार साँझ देखिएको अन्नपूर्ण र माछापुच्छ्रे हिमाल । 
तस्बिरमा माछापुच्छ्रे र अन्नपूर्ण हिमाल ।
कोरोना संक्रमणले नेपालको पर्यटनक्षेत्र सबैभन्दा बढी प्रभावित भएको छ । नेपालका संक्रमितको संख्या १ लाख ६२ हजार नाघेको छ। पछिल्लो २४ घण्टामा १९ सय ५४ जनामा संक्रमण देखिएसँगै संक्रमितको संख्या १ लाख ६२ हजार ३५४ पुगेको हो ।
संक्रमण बढ्दै जाँदा सरकारले पर्यटन क्षेत्र सञ्चालमा ठोस कदम चाल्न सकेको छैन । नेपालमा ३९ हजार ६४३ कोरोनाका सक्रिय संक्रमित छन्। यस्तै मन्त्रालयका अनुसार संस्थागत आइसोलेसनमा ७ हजार ७०९ जना छन् भने क्वारेन्टाइनमा २ हजार ८८९ जना रहेका छन् । पछिल्ला दिनमा पर्यटकीय नगरी पोखरामासमेत संक्रमितको संख्या बढ्दै गएको छ । साभार अन्नपूर्ण पोष्टबाट
