धरानवाट ५२ किलोमीटर उत्तर तर्फको कोसी राजमार्गको यात्रा तय गरे संगै शुन्दुर भेडेटार, मुलघाट हुदै धनकुटा सदरमुकाम पुगीन्छ ।
त्यहाँवाट १३ किलोमीटर उकालो लागेपछि कुहिरो भित्र लुकामारी खेली रहेको हिले बजार आउँछ ।
हिले बजारको शिरबाट पश्चिम तर्फ लाग्ने नारदमुनी थुलुङ राजर्मागको ५ किलामीटरको यात्रापछि पाख्रीबास बजार आउँछ । पाख्रीबास आसपासका पर्यटकीय क्षेत्रहरुका यी तस्विरहरु हामीले धनकुटाका पत्रकार विजयसन्तोषी राईको फेसबुक पेजवाट लिएका हौं ।
सुन्दर पाख्रिवास बजार, आर्कषक ताल र बोटिंग, मनोरम पाख्रिवास कृषि केन्द्र, चर्चित ढुकुरे डाँडा, मनोरम चुङवाङ्कको कृषि फर्मले जो कोहीको पनि मन लोभ्याउँछ । धनकुटाको हिले बजार सम्मको यात्रा सहज छ ।
सवै खाले यातायातका साधन उपलब्ध छन् । तर पाख्रीबास सम्म जानका लागि चाही भोजपुर तर्फ जाने र्साजनिक यातायातका साधन समाउनु पर्ने हुन्छ भने हिलेबाट पाख्रीबास सम्म जानका लागि ट्याक्सी र टेम्पो सहज रुपमा पाइन्छ । पाख्रीबास बजारमा पनि सुविधान सम्पन्न होटलहरु छन् भने हिलेको बासपनि रमाइलो हुन्छ । यहाँ घुम्न जाँदा ख्याल गर्ने पर्ने कुरा भनेको बाक्लो लुगा हो ।
