निशानदेवी मन्दिर: आस्थाको केन्द्र
June 20, 2025 Paryatan Yatra
धनकुटा बजारको मध्य भागमा अवस्थित निशानदेवी मन्दिर सांस्कृतिक र धार्मिक दृष्टिले निकै महत्त्वपूर्ण छ। तामाका पाताले छाएको छानाको मन्दिरको मुखमा विशाल घण्ट सजाइएको छ, जसले पर्यटक र श्रद्धालुहरूलाई आकर्षित गर्छ। मन्दिरको मूल ढोका नेवारी शैलीमा बनेको पानी धारोले सुशोभित छ।
पूर्वी नेपालको शक्ति पीठ मानिने यस मन्दिरलाई नेपाली सेनाले संरक्षण गर्दै आएको छ। पृथ्वी नारायण शाहले राज्य एकीकरणका बेला यस मन्दिरको स्थापना गरेका थिए भनी जनविश्वास छ। मन्दिर भित्र रजस्वला भएकी महिलाहरूको प्रवेश निषेध छ भने हरेक साँझ यहाँ दियो बालेर आरती गरिन्छ, जसले मन्दिरलाई अझै पवित्र र जीवन्त बनाउँछ।
